ang susunod na kabanata.

kailangang may matapos para may masimulan.

certified graduate na ako.
natapos din ang delubyong idinulot ng summer class ko.
akala ko di ko na masisilayan ang araw matapos ang may 26.
pero... eto ako ngayon. buhay pa. survivor uli. hanggang sa huling yugto ng accountacy course ko.
kung tutuusin, di ko lubos maisip na matatapos ko ang paglalakbay sa kolehiyo.
parang noon lang, pag nakahiga ako, iniisip ko kung ano kaya ang hitsura ko pagkatapos ko sa college..
at heto na ko ngayon. nagaganap na ang minsa'y panaginip ko lang.
matapos ang bawat luha dala ng lungkot.. ang laway na tumatalsik sa kakatawa.. ang pawis na bunga ng pagsisipag sa pag aaral.. ang bawat hibla ng kilay na nasunog dahil sa tyaga sa pagrereview.. at ang bawat bulsa at wallet nila mom and dad na nabutas dahil sa mga gastusin..
eto na! Graduate na ang lola niyo!
yehey.
pero siyempre, di pa dyan matatapos ang kaligayahan ko..
dahil isa pang matinding paglalakbay pa ang gagawin ko..
5 beses sa isang linggo ako magpapanik panaog sa 5th floor ng CMFFI building..
sa ReSA. Review School of Accountancy.
Dahil.. magrereview na ako para sa kinatatakutang CPA Licensure Exam!
pero ang totoo niyan, hindi ako dapat matakot sa exam na ito. ang exam na yan ang dapat matakot sa kin! tseh!
HIndi lang ito ang isa sa mga landas na tatahakin ko sa ngayon...
may isa pa.
at yun ay ang mamuhay mag isa sa bandang gastambide. malayo sa aking pamilya at sa aking pinakamamahal na kwartong asul.
pag naiisip ko na sa loob ng limang buwan ay mag isa lang akong kakain, matutulog sa isang room for rent, nalulungkot na ako.
hindi ko yata kaya yun. pero tignan natin. iuupdate ko kayo pag kinaya ko o hindi.
Kaya lang naman ako napilitang magboarding house kasi para hindi masayang ang oras na binibyahe ko araw araw ng pasig recto..
ang tatlong oras na binibyahe ko lagi ay pwedeng ilaan na lang sa pag aaral ko diba?
kaya yun ang nagtulak sa akin para ituloy ang pakikipagsapalaran ko sa maynila.
sa ngayon, nakaimpake na lahat ng gamit at libro ko.. pero hindi ako makatulog.
dahil iniisip ko kung ano ang mangyayari sa akin sa pagsuong ko sa panibagong yugto ng buhay kong ito..
alam ko kasing may malaking idudulot na pagbabago ito sa akin bilang isang indibidwal.
at eto pa pala.. twice a week na lang pala ako makakapag internet! hayy! kaya mamimiss ko ang mga online friends ko..
sana kahit lagi na akong offline sa YM, friendster at KKB forum wag niyo kong kalimutang itext para hindi naman ako malungkot..
sa totoo lang, kanina habang papasok ako sa school, nasa fx ako, katext ko si mommy. sabi ko sa kanya na lilipat na ako bukas.
sabi niya mamimiss niya ko. ewan ko ba bigla akong napaluha nun. corny nuh. pero kasi mamimiss ko si mommy..
kahit madalas nasesermunan ako.
hindi ko man alam kung anong mangyayari sa akin sa maynila.. isa lang ang bagay na sigurado ko.
pagbalik ko dito sa pasig.. CPA na ko! by faith! hayyy...
comment kayo.

Comments

[leslie]

hi, im leslie of kkb angeles here in the philippines... i don't know if you still remember me..:)

please add me in your account...

flowerintherain.wordpress.com

God bless...

[MYKELLE]

hi!!

[KAREN]

elo din po! :)